قومی یکجہتی دے ودھارے اچ ذرائع ابلاغ دا کردار ٻہوں اہمیت رکھیندے ،وفاقی سیکرٹری اطلاعات و نشریات شاہیرہ شاہد داانفارمیشن سروس اکیڈمی اچ”قومی یکجہتی دے ودھارے اچ ذرائع ابلاغ دا کردار” دے موضوع تے منعقدہ مباحثے دے شرکا توں خطاب

اسلام آباد۔18جولائی (اے پی پی):وفاقی سیکرٹری اطلاعات و نشریات شاہیرہ شاہد آکھیے جو قومی یکجہتی دے ودھارے اچ ذرائع ابلاغ دا کردار ٻہوں اہمیت رکھیندے ،وزارت اطلاعات دا ذرائع ابلاغ نال گھاٹا رشتہ اے ، وزارت اطلاعات دے زیراہتمام 75 ویں یوم آزادی دی مناسبت نال تقریبات دا شایان شان طریقے نال انعقاد کیتا ویسی ۔ اے ڳالھ انہاں سنوار کوں انفارمیشن سروس اکیڈمی اچ ”قومی یکجہتی دے ودھارے اچ ذرائع ابلاغ دا کردار” دے موضوع تے منعقدہ مباحثے دے شرکا توں خطاب کریندے ہوئیں آکھی اے جیں اچ وزارت اطلاعات و نشریات تے ذیلی اداریں دے افسران شرکت کیتی ۔ایں موقع تے انفارمیشن سروس اکیڈمی دے ڈائریکٹر جنرل ،سابق وفاقی سیکرٹری اطلاعات اشفاق احمد گوندل دے علاوہ وزارت دے سینئر حکام وی موجود ہن ۔ سیکرٹری اطلاعات شاہیرہ شاہد آکھیے وزارت اطلاعات دا ذرائع ابلاغ نال گھاٹا تعلق اے تے رشتہ استوار اے تے پاکستان دے 75 ویں یوم آزادی دی مناسبت نال وزارت ٻہوں ساری تقریبات دا اہتمام کیتے ۔ انفارمیشن سروس اکیڈمی قومی یکجہتی دے ودھارے اچ ذرائع ابلاغ دے کردار دے حوالے نال اہم مباحثے دا انعقاد کیتے۔ انہاں آکھیے جو وزارت دا کردار چیلنج نال بھر پورتے اہمیت دا حامل اے، دنیا بدلدی پئی اے ، اساکوں سارے میڈیا کوں رلے گھن تے ٹرݨاں اے ۔ انفارمیشن سروس اکیڈمی دے ڈائریکٹرجنرل آکھیے جو اکیڈمی دے زیر اہتمام مختلف تقریبات دا انعقاد کیتا ویندا پئے جݙاں جو تاریخِ پاکستان بارے اچ خصوصی معلوماتی مقابلیں دا وی اہتمام کیتا ویسی جیں اچ مختلف تعلیمی اداریں دے طلباو طالبات کوں شرکت دی دعوت ݙتی ویسی ۔

مضمون کا ماخذ : bolão dupla sena

متعلقہ مضامین