وفاقی وزیر تجارت انجینئرخرم دستگیر خان دا تھائی لینڈ اچ آزادانہ تجارت معاہدے دے سٹیٹس بارے مذاکرات دے سلسلے اچ بریفنگ تے خیالاں دا اظہار

وزیراعظم دے وژن دے مطابق تجارتی ماحول آزادانہ بنڑایا ویسی جیں اچ پاکستان دی پائیدار اقتصادی ترقی یقینی تھی ویسی
اسلام آباد ۔ 10 نومبر (اے پی پی) وفاقی وزیر تجارت انجینئرخرم دستگیر خان آکھیا ہے جو تھائی لینڈ دے نال آزادانہ تجارتی معادے بارے مذاکراتی ٹیم کوں مختلف شعبیں اچ مقامی صنعت دے تحفظات پرے کرنڑیں چاہیدے ہن ،دنیادیاں مارکیٹاں تئیں رسائی سانگے وزیراعظم دے وژن دے مطابق تجارتی ماحول آزادانہ بنڑایا ویسی جیں نال پاکستان دی پائیدار ترقی یقینی تھی ویسی ۔اے گالھ وزیر تجارت انجینئر خرم دستگیر اتھاں تھائی لینڈ اچ آزادانہ تجارت معاہدے بارے سٹیٹس بارے تھیونڑ آلے جاری مذاکرت دے سلسلے اچ بریفنگ دی صدارت کریندے ہوئیں آکھی ۔انہاں مذاکرات دا پنجواں دور 15نومبر توں گھن تے 18نومبر 2016تئیں بنکاک اچ منعقد تھیسی پاکستان تے تھائی لینڈ وچال تجارتی حجم 2015-16دے چھیکڑ تئیں 845ملین ڈلر ہا ۔جیں اچ پاکستان دی 107ملین ڈالر مالیتی بر آمدات اتے 845ملین ڈالرز دی در آمدات ہن ۔ایں ویلھے تھائی لینڈ جیرھیاں چیزاں بر آمد کیتیاں ونج سگدیاں ہن انہاںاچ مچھی تے مچھی دی تیار شدہ مصنوعات ،تریمتاں سانگے کاٹن فیبرکس ،کاغذ اتے پیپر بورڈ ،خام کپاہ تے سوتی دھاگہ تے چمڑا تے دوا سازی دیاں مصنوعات طبی تے سرجیکل آلات کیمیائی عناصر تے مرکبات شامل ہن ۔مذاکراتی ٹیم نال گالھ مہاڑ کریندے ہوئیں وفاقی وزیر تجارت تھائی لینڈ دے نال آزادانہ تجارتی معاہدے بارے گالھ مہاڑ کریندے ہوئیں پاکستان پورے مشرقی ایشیا خطے دی مارکیٹ تئیں رسائی چاہندا تے اتے ایں خطے نال پاکستان ایندے توںپہلے ملائیشیا اتے انڈو نیشیا دے نال آزادانہ تجارتی معاہدے کیتے ہن ۔وزیر تجارت مذاکراتی ٹیم کوں ہدایت کیتی جو او مختلف شعبیں اچ مقامی صنعتاں دے تحفظات پرے کرن اتے تھائی لینڈ دے نال آزادانہ تجارتی معاہدے دے مذاکرات تے فیڈرل بورڈ آف ریونیو دے نال رل تے کم کریندے ہوئیں سانجھا موقف اپنایا ونجے ۔ایندے توں پہلے غیر ملکی تجارت ( ایف ٹی ون ) دے جوائنٹ سیکر ٹری اتے آزادانہ تجارتی معاہدے بارے مذاکراتی ٹیمدے نال تیمور تجمل اجلاس کوں تھائی لینڈ دے نال مذاکرات بارے ڈسایا ۔انہاں ڈسایا جو پاکستان تھائی لینڈ ٹریڈ مذاکراتی کمیٹیاں ستمبر 2015توں گھن تے ہنڑ تئیں مذاکرات دے 4دورے کیتے ہن ۔ایندے توں پہلے وفاقی وزیر تجارت خرم دستگیر پاکستان اچ قبرص دے ہائی کمشنر ڈاکٹر اینڈ ریاس پی کاﺅز وپس ملاقات کیتی تے انہاں تجارت تے سرمایہ کاری متعلقہ امور تے گالھ مہاڑ کیتی ۔ہائی کمشنر وزیر تجارت کوں سرمایہ کاری دے موقع بارے مذاکرات سانگے وفد دے نال قبرص دا دورہ کرنڑ دی دعوت وی ڈتی ۔

مضمون کا ماخذ : loteria de Minas Gerais

متعلقہ مضامین